chapter 1

        Nama aku Bibi,umur aku 25 tahun,pengidup aku enda sebaka baka urang bukai,arimit aku nadai begulai enggau apai indai,laban apai indai aku bekuli ba nengeri,diau meh aku ba enggau aki inik ti udah tuai sereta menyadi tuai aku enggau iyak aku ti paling biak sekali,akik aku keja mukat nyadi urang berikan,inik aku urang ti landik beranyam ke tikai,ragak enggau utai bukai,setiap ari minggu akik nurun ke kepasar bejual ke ikan enggau utai anyam inik,apai enggau indai kekadang bisi kekadang nadai ngirum ke belanja,bakanyak pengidup kami sebilik meakik meinik,sampai ke umur akku udah manggai ke 8 tahun,apai enggau indai aku ndai agi begulai enggau pangan diri,bepun ari sarinyak alu nadai kala ningga rita ari seduai,kami duai menyadi tuai aku nyau gak mansang besai,kira ke genap umur aku 12tahun,nyau 5 taun pengudahnya baru bisi ningga rita ari indai kenduai,baru iya bisi pulai ke menua,nyak pen ketegal iya ka ngambik menyadi tuai ku ke benama  Ecat,ka diasuh iya begulai enggau sida madik ari sepiak akik ku,maya nya niang akik udah nadai laban ketegal sakit,inik ti agi seilu-ilu ati,nyau baka api ti makin nyerarai ditanjah indai ku enggau minyak diesel,nambah ke penusah ukai pulai ka ngaum ati inik,tang tujuan iya pulai ngemaik sidak madik akik ku laban iya deka nukar Ecat enggau alasan ngaga ic Ecat padahal  diasuh sida nyadi ulun madik akik ku,ngau sabak-sabak meh tudah inik ngetan ke Ecat endak ngasuh sida mai iya ninggal ke inik,aku laban ke agik mit enggau niang inik sesikuk nyabak pia mega Ecat enggai beserara enggau kami sida inik,indai ku laban ti udah buta ati ketegal duit,iya endak peduli,janji iya bulih utai ke deka ati,tinggal meh kami sida inik ku agik nguan bilik,bangat tak berasai puang,niang akik ke enggau begulai udah gak ngejang ninggal ke kami,Ecat ke seruran nyadi pengibur pen udah gak dibai sida nya pulai,kira ke setaun jagung aku pen endak berasai masuk pom 1,gaga meh asai ati meda diri ke masuk baka anak urang bukai,maya ke masuk register baru nemu indai diri udah belaki baru,nyau betubuh bisi,tang endak gak aku peduli kenyak asal meh aku bisi pemandai pegila lusa,aku pen diau ba asrama,dalam kelas nadai kala tinggal ari urang,sampai ke nyadi atlet tambatan,bisi tinggal 3 bulan agik ka masuk pom 2,nasib bangat jaik endak tesangkung ke aku,indai datai baru deka ngambi aku deka dibai iya agai ladang nitih ke seduai laki baru iya,sekula aku nyau gantung-gantung,nyau kitang-kitang baka punggu ngantik labuh endak gak labuh tersangkut ba randau,mayuh meh surat datai agai aku minta aku nyambung sekul aku baru,sampai warden ka nulung aku minta duit bantu untuk anak sekula,tang indai bekeras ke enggai,majak ka mai aku nyadi pengibun anak iyak,kasih meda mua inik maya ditinggal ke aku,nyau berasai siku-siku kami ninggal ke iya ngibun bilik tuai,taja indai biak ku 2 ikuk bisi diak tang ati bangat endak kempang,tang nyak meh umur agi muda amat,nyau meh aku nitih ke indai enggau laki baru iya,datai ba ladang din,nyadi ama meh tudah aku,beribun ke indai aku,indai aku nitih ke jaku laki iya,laban laki iya biak ari iya,tedai meh tudah aku dijamah seduai,seduai nurun gawa pintu dikunci ari luar,pemakai dilalai,pemerinsa aku mina petara aja nemu,nyau masuk ke 14 umur aku,indai biak ku ke paling biak gak nadai ninggal ke kami.... 

 bersambung...........