CHAPTER 3

      Ningga munyi nyak aku alu madah ke diri enggai,laban aku bisi urang ngempu,diak indai enggau apai tiri ku alu mujuk,alu ngasut aku ngasuh ninggal ke Igat,tang aku bekeras enggai,meda bakanyak diak sida iya alu meri indai duit pemuka,sepenyampau rm3000 kenak mujuk ati aku,aku alu angkat tama ke bilik mai ati ti tusah,nyau nyabak sikuk-sikuk ba dalam bilik alu ngujung ke aku tinduk,aku pen alu tedani engka kira dalam pukul 11 lebih,aku tedani laban ka angkat ke jamban,sekali buka ku pntu ngai gak nyadi,endak gak luk pintu nya dikunci aku,pusil ke aku enggai pusil ke aku baru enggai,nyak baru aku nemu indai enggau apai tiri aku ngunci pintu nya ari luar ngena kerepau insil ke ba luar,aku pen alu nyabak baru,bepampul ke mulut,pemuas ke nyabak diak aku bisi terunding kediri,merening jendela nyak,laban jendela bilik ku nyak nadai beruji besi,alu angkat meh aku muka cermin nya  siti-siti sampai ke umbas ya pemesai endur tubuh aku enselit,diak aku sebedau ke pansut ari jendela alu nyapai kerepai enggau semua duit tabung aku,enggau ai mata aku mansut ke diri ari jendela,ukai kapa nyebut nyau beterauh nyalak,udah gak tenggah malam,lampu picit ku gak nadai,telepun udah gak diambi indai laban iya enggai ke aku bemesej enggau Igat,teresa aku meh jalai alun bebatu ladang nya datai ke agai jalai besai,duduk meh aku rerungguk ba stesen bas nunggu bas pagi ke bisi mansa,ai mata kapa nyebut sigi nyau baka terutu ai ujan,aku pen nyau endak berasai lelap,tedani baru ningga kerita nyau betelebas mansa urang nurun gawa pagi,pulin ladang pen bebunyi,kira-kiraku engka ta pkul 4 tauka pukul 5 pagi,nasib maya nyak bas pagi kira urung ya jam 4.30pgi,bas ari bintulu bisi mansa,alu meh beguai aku ngepai,ngetu ke basnya,alu niki,mayar tambang alu duduk,lama aku ngenung ke diri duduk ba baris belakang,bisi gak urang bukai enggau aku dalam bas nyak kira ke ngelima belas iku bisi,nyau tesat runding aku,ninggal ke ambai ti dikesayau,apai nadai gak aku nemu dini endur iya,bisi indai bangat tak nyegenak endar gak ketegal belaki baru,kini meh aku tuk mai diri,sapa ke ka nerima aku tuk gawa enti nyema aku tuk minta kereja,udah gak umur aku baru gak 14 taun,nyau kapa-kapa baka lelayang ti putus tali,ma deh nyau kelanjur tinduk meh tudah aku,endak berasai digerak indai tuai urang ku,siku,ngasuh dani,peda ku udah datai ba dini endak meh aku nemu laban nyak ke terubah iya aku kediri ba sebelah negeri,nama deh munyi ko sempama jako urang baka rusa masuk kampung meh tudah aku,benggap-benggap,niki taxi rega tambang mar tauka enda aku sigi enda nemu,datai ba pasar din regap-regap gak aku,nasib aku bisi duit simpan kediri,asil duit kedai aku ke bejual arak enggau insap,nadai gak mayuh endar semua ke dibai aku nyak,ngelima ratus ajak,nyak meh kenak aku makai,benung ke reregap tesat ba sebelah pasar diak,diak aku alu tetemu ke ibuk aku ke sama ari menua ke gawa ba sebelah pasar,idup meh asai ati ku kenok ko aku,bai ibuk aku nyak meh pulai ke rumah sewa iya,bisi ibuk aku siku gak agik ba diak,seduai menyadi meh endur aku ngenduh,madah meh seduai iyak agai indai biak aku ba menua din,asuh indai biak aku pulai,pulai meh tudah aku ngepan ba prebet ianyak bala kami ke bepangkat akik,mar gak enti munyi ko leka jako langkung,aku tuk meh pangkat paling bunsu ke kami sekayu rumah,endak ngira tuai biak,anakmit mehnya,nyau lebih besai ari aku pangkat sida nyak tadi,bisi nyak pangkat inik,akik,ayak ibuk,petunggal meh nyak,tang mayuh gik ke pangkat inik enggau akik,bala ke nembiak ke biak ari aku nyak meh pangkat ya,nyak ku madah merinsa nyadi anak bunsu urang,ucu bunsu urang,balat tak nyau putar belit semua utai,nyau mengarut munyi ko melayu,nama deh pulai meh aku ke rumah panjai,diau enggau inik,tang inik udah telanjur begedik ke indai udah mechah belah ke rbilik tuai,alu ngerampit agai aku,inik nyau enggai begulai enggau aku,indai biak ku ke numur 2 mak ku nyak meh ke ngapung aku,nama meh penyadi aku kulu kili urang enggai beguna,diau meh aku begulai enggau indai biak aku nyak ti udah dikanggau ke aku mak diatu,nulung seduai apak(apai biak aku) jarang gak seduai mai aku nurun ke tanah,ulih mejal madah kedriri ka enggau baru seduai mai,kebuah piak laban dalam kami sepintu bilik,aku siko ajak anak indu,tambah apai biak enggau indai biak aku,nadai anak indu,nyak meh seduai nyaga aku alu ngangkat ke aku nyadi anak,kira ke endak lama udah nyak,bisi ngeniga bulan peda bisi indai enggau apaitiri ku pulai ke menua ka ngambi aku,laban sida udah nemu aku lari pulai ke menua,nasib bendar mak enggau apak endak ngasuh,tambah aku enggai enggau seduai agi,laban maya terubah aku datai ba menua,mak bisi nanyak aku ama kebuah aku tau larii ari indai aku,diak aku alu nusi ke semua utai,nyak ngasuh mak enggai meda aku begulai enggau seduai agi,endak meh aku seduai iya agik,endak berasai nyau mangai ke 16taun umur aku,2bulan udah taun baru nyak,diak deh bisi bala ari sida madi niang akik tang ukai ke ngambi Ecat nyak,madik niang akik ke numur 4 datai,sampal sepintu bilik,aku baka biasa endak entu gaget ka meda urang,ati kiruk-kiruk ngaga pengawa ba bilik besai din,maya nya agi ba rumah panjai lama,urang datai peda ku datai,maya udah terenah sida nyak ke datai diak,berandau meh sida inik,mak enggau apak nungga sida nya ba bilik dapur,udah nya aku alu dikanggau ke mak kedapur, aku alu mansang,diak mak madah ngasuh aku ngulu ke siku lelaki berandau ba tanju din,aku mina ngauk ke ajak,ndak mayuh jako,bejalai meh kenduai betunda udik enggau panggan diri ke tanju kin,datai ba din...

bersambung....